बुटवल– दाङको लमहीमा जिपको ठक्करबाट एक बालकको मृत्यु भएको छ । लमही नगरपालिका–५ रातोडाँडामा जिपको ठक्करबाट बाजुराको फैती गाउँपालिका–३ हाल लमही बस्ने ७ वर्षीय हेमन्त मल्लको मृत्यु भएको प्रहरीले जनाएको छ
पूर्वबाट पश्चिमतर्फ जाँदै गरेको लु १ च ८०४१ नम्बरको जिपले ठक्कर दिँदा गम्भीर घाइते भएका मल्लको लमही अस्पतालमा उपचारको क्रममा मृत्यु भएको वडा प्रहरी कार्यालय लमहीले जनाएको छ । मृतक मल्ल सशस्त्र प्रहरीका हवल्दार धर्मजित मल्लका छोरा हुन् ।