काठमाडौं । काठमाडौं नेशनललाई गैरकानुनी रुपमा अस्पताल सञ्चालन गर्न अनुमति दिएको भन्दै प्रा डा गोविन्द केसीले विरोध गर्नु भएको छ । उहाँले कुनै पनि बेला आमरण अनसन सुरु हुनसक्ने चेतावनी दिनु भएको छ ।
स्वास्थ्य मन्त्रालयले हालै मात्र प्रस्तावित काठमाडौं मेडिकल कलेजलाई ३०० शश्याको अस्पताल सञ्चालन गर्ने अनुमति दिएको थियो । डा। केसीले भन्नु भयो गैरकानुनी रुपमा अनुमति दिएको भन्दै खारेज गर्न माग गर्नु भएको छ ।
‘कुनै पूर्वाधार नभएको आवासीय भवनमा काठमाडौंमा स्थापित कथित मेडिकल कलेजलाई हालै गैर कानुनी रुपमा अस्पताल सञ्चालनको अनुमति दिएकोमा कडा आपत्ति प्रकट गर्दै तुरुन्त आम नागरिकको स्वास्थ्यमा गम्भीर खेलवाड गर्ने सो निर्णय खारेज गर्न ध्यानाकर्षण गराउँछौं’ डा। केसीले भन्नु भयो ।
उहाले आफूसँग भएको सहमतिअनुसार चिकित्सा शिक्षा ऐन पारित गर्नुपर्ने, विगतका सम्झौता कार्यान्वयन गर्नु पर्ने र निर्मला पन्त लगायतमाथि भएको बलात्कार तथा हत्याका घटनाका दोषीलाई तत्काल कारबाही गर्न माग गर्नु भएको छ । अबको आन्दोलन कुशासन गर्ने मुख्य पात्रहरुविरुद्ध हुने भन्दै उहाले भन्नु भयो , सरकारले एकपछि अर्को गरी हामीसित भएका सम्झौता उल्लंघन गर्ने तथा भ्रष्टरमाफियाहरुका हितमा निरन्तर काम गरिरहेकाले कुनै पनि बेला सत्याग्रहलगायत आन्दोलनका कार्यक्रमहरु शुरु गर्ने जानकारी गराउँछु ।’
