साउन ३०, काठमाडौं । एजेन्सी
बलिउडका रियल जोडी दिपिका पादुकोण र रणवीर सिंहको बिहे इटलीमा हुने निश्चित भएको छ । आगामी ३० नोभेम्बरमा उनीहरु बिवाह वन्धनमा बाँधिदैछन् ।
फिल्मफेयरका अनुसार इटलीको ‘लेक कोमो’ लाई वैवाहिक समारोहका लागि फाइनल गरिएको छ । इटली दिपिकालाई अत्यधिक मन पर्ने देश हो । उनकै चाहनामा यो डेस्टिनेसन छनोट गरिएको बुझिएको छ ।
यसअघि क्रिकेटर बिराट कोहली र अभिनेत्री अनुष्का शर्माले पनि इटालीमा नै बिहे गरेका थिए । यतिबेला दुवै पक्ष विवाहको तयारीमा जुटिसकेका छन् ।
सपिङ लगायतका कामहरु सुरु भएका छन् । विवाहमा जम्माजम्मी ३० जना पाहुनालाई ईटाली लगिने छ । सानो समारोहमा परम्परागत तरिकाले बिहे हुने छ । बिहेपछि भारतमा फर्केर भव्य पार्टी दिने दिपिका र रणवीरको योजना छ ।
दिपिका र रणवीरले अहिलेसम्म आफूहरुबीचको प्रेम सम्वन्ध सार्वजनिकरुपमा स्वीकारेका भने छैनन् । उनीहरु सन् २०१३ देखि प्रेममा छन् ।
