चैत २९, काठमाडौं ।
गाउँपालिका र नगरपालिकाका प्रमुखहरुको नाममा पत्र काटेर राजीनामा दिन दबाव दिँदै आएको विप्लव नेतृत्वको नेपाल कम्युनिस्ट पार्टीले वडा कार्यालयको कम्प्युटर, पिन्टरलगायत सामग्री लुटेका छन् ।
नेकपानिकट जिल्ला जनपरिषद् नवलपुरले बिहीबार हुप्सेकोट गाउँपालिका–३, वडा कार्यालयको कम्प्युटर, प्रिन्टर, लेमिनेशनमेसिनलगायत महत्त्वपूर्ण सामग्री कब्जामा लुटेको हो ।
त्यस्तै रुपन्देहीको ओमसतिया गाउँपालिका–५ को कार्यालयका उपकरण पनि नेकपाले कब्जामा लिएको छ ।
नेकपाले नवलपरासी बर्दघाट सुस्ता पूर्वका ८ जना गाउँपालिका र नगरपालिकाका प्रमुख तथा अध्यक्षहरुलाई पत्र काटेर तुरुन्त पदबाट राजीनामा दिन धम्की दिँदै आएको छ ।
बुंदिकाली गाउंपालिकाका अध्यक्ष दुर्गाबहादुर रानाले जनपरिषदको नाममा पत्र आएको स्वीकारे ।
