फागुन ३०, काठमाडौं ।
च्याम्पियन्स लिग फुटबलअन्तर्गत अन्तिम १६ को दोस्रो लेगमा सेभिल्लासँग पराजित भएपछि म्यानचेस्टर युनाइटेड प्रतियोगिताबाट बाहिरिएको छ ।
पहिलो लेगमा गोलरहित बराबरी खेलेको म्यान्चेस्टर युनाईटेड दोस्रो लेगमा २-१ ले पराजित भएपछि प्रतियोगिताबाटै बाहिरिएको हो ।
युनाइटेडलाई हराउन सेभिल्लाका सबस्टिच्युड खेलाडी विसाम बेनले दुई गोल गरे । उनले ७४ औं मिनेटमा गोल गर्दै टोलीलाई सुरुवाती अग्रता दिलाए । त्यसको चार मिनेटपछि उनले व्यक्तिगत दोस्रो गोल थपे ।
म्यानचेस्टर युनाइटेडका लागि भने रामेलु लुकाकुले ८४ औं मिनेटमा एक गोल फर्काएका थिए ।
