फागुन २८, काठमाडौं ।
त्रिभुवन अन्तराष्ट्रिय विमानस्थलमा यूएस बंगलाको विमान दुर्घटना भएको छ ।
अवतरणका क्रममा विमान दुर्घटना भएको हो ।
प्रत्यक्षदर्शीहरुका अनुसार विमान अनियन्त्रित भएर आएको थियो । अहिले विमानमा आगो लागेको छ ।
विमान दुर्घटनापछि उडान तथा अवतरण रोकिएको छ ।
दुर्घटनापछि १४ जनाको उद्दार गरिएको छ । अस्पताल पुर्याइएको ८ जनाको पनि मृत्यु भएको छ ।
उक्त विमानमा ३१ जना भन्दा बढी नेपाली भएको जानकारी आएको छ । विमानस्थलका प्रवक्ता प्रेमनाथ ठाकुरका अनुसार दुर्घटनामा परेको विमानमा ६७ यात्रु र चार चालक दलका सदस्य गरी ७१ जना थिए ।
अरुको उद्धार कार्य जारी छ ।