माघ २७, काठमाडौं । एजेन्सी
कम्पिटिसन कमिसन अफ इण्डियाले गुगलमाथि २ अर्ब रुपैयाँ भन्दा धेरै जरिवाना गरेको छ ।
अनलाइन सर्च तथा विज्ञापन बजारमा आफ्नो मजबुत स्थितिको दुरुपयोगका विषयमा दोषी ठहर गर्दै भारतको कम्पिटिसन कमिसन अफ इण्डियाले गुगलमाथि १ अर्ब ३५ करोड ८६ लाख भारु जरिवाना गरेको हो ।
Matrimony.con र कन्जुमर युनिटी एण्ड ट्रस्ट सोसाइटीले सन् २०१२ सीसीआईमा गुगल विरुद्ध उजुरी दायर गरेको थियो । सोही उजुरीमाथि र सुनुवाई गर्दै सिसिआइले यस्तो आदेश दिएको हो । गुगलले प्रतिस्पर्धा विरोधी गतिविधि गरेको ठहर सिसिआईको छ ।
अनलाइन सर्चमा आफ्नो बलियो उपस्थितिको दुरुपयोग गर्दै गुगलले सर्चमा पक्षपात तथा हेरफेर गर्ने गरेको आरोप गुगलमाथि लगाइएको छ ।
गुगलमाथि लगाइएको जरिवाना रकम कम्पनीले सन् २०१३, १४ र १५ मा भारतमा आर्जन गरेको कुल राजश्वको ५ प्रतिशत हो ।
सीसीआईले यस मुद्दामा गुगलले दिएको प्रत्युत्तरमाथि पनि गम्भीर विमर्स गरी ऊमाथि जरिवानाको निर्णय गरिएको र उक्त निर्णय सही रहेको जनाएको छ ।
- यस अघि पनि,
अनुसन्धानमा सहयोग नगरेको आरोपमा गतवर्ष पनि गुगलमाथि १ करोड भारु जरिवाना गरिएको थियो ।
