माघ २६, काठमाडौं ।
काठमाडौं भित्रिने मुख्य नाकाका रुपमा रहेको नागढुंगा-थानकोट सडकखण्ड स्थानीयवासीले अवरुद्ध पारेका छन् ।
आफ्नो मागहरुको सुनुवाई नभएको भन्दै शुक्रबार विहान स्थानीयवासीले केही समय सडक अवरुद्ध गरेका हुन् ।
सडक विस्तारको काम छिटो गर्नुपर्ने, धुलाम्मे बाटोमा पानी हाल्नु पर्ने माग गर्दै वाडभञ्ज्याङका नागरिकहरुले प्रदर्शन गर्दै सडक अबरुद्ध पारेका हुन् ।
नागरिकहरुले केही समय सडक अवरुद्ध पारेपछि सवारीसाधन सडकमा रोकिएका थिए ।
स्थानीयको प्रदर्शनले थानकोट-नागढुंगा सवारी आवागमन पूर्ण रुपले ठप्प बनेको महानगरिय प्रहरी वृत्त थानकोटका प्रहरी निरीक्षक वावुराम पोखरेलले जानकारी दिए ।
नगरपालिकाको पहलमा सडक खुलाइएको प्रहरीले जनाएको छ ।
