आर्थिक चन्दा छल्न व्यापारीहरु धमाधम विदेश भ्रमणमा

कात्तिक २७, काठमाडौं । वीरगन्जका मुख्य तथा प्रतिष्ठित उद्योगी व्यवसायीको एउटा ठूलो समूह इन्डोनेसियाको भ्रमणमा हिँडेको छ ।

स्रोतका अनुसार नेपाल उद्योग वाणिज्य महासंघका केन्द्रीय सदस्य गणेश लाठ, वीरगन्ज उद्योगा वाणिज्य संघका पूर्वअध्यक्ष प्रदीप केडिया, वर्तमान वरिष्ठ उपाध्यक्ष गोपाल केडिया, उपाध्यक्ष सुवोधकुमार गुप्तालगायत एक दर्जन उद्योगी व्यवसायीको टोली जकार्ता उडेको छ ।

आसन्न प्रतिनिधिसभा तथा प्रदेशसभा निर्वाचनको संघारमा आर्थिक नगरीका ठूला तथा प्रमुख उद्योगी व्यवसायीले नगरमात्र नभई मुलुकै छाडेर सयरमा जानुलाई अर्थपूर्ण रुपमा लिइएको छ । कतिपयले निर्वाचनमा उम्मेदवारहरुबाट हुने चन्दा आतंकबाट आजित भएर मुलुक नै छाडेको बताएको आजको कान्तिपुर दैनिकमा छापिएको छ ।  स्थानीय तहको निर्वाचनमा उम्मेदवारहरुलाई चन्दा दिइसकेका उनीहरुले फेरि प्रतिनिधि र प्रदेश सभाका उम्मेदवारहरुको ठूलै भीड थेग्नुभन्दा मुलुक नै छाडेको अड्कलबाजी कतिपयले गरेका छन् ।


प्रकाशित | २०७४ कार्तिक २७ प्रकाशित ०२:२३

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ