स्पेनका एकताका पक्षधरहरुले बार्सिलोनामा विशाल प्रदर्शन

कात्तिक १३, काठमाडौं । स्पेनका एकताका पक्षधरहरुले बार्सिलोनामा विशाल प्रदर्शन गरेका छन् ।

स्वतन्त्रता घोषणा गरेको क्याटलोनियाको स्वायत्तता मड्रिडले खारेज गरिदिएपछि एकताका पक्षधरहरुले बार्सिलोनामा गरेको प्रदर्शनमा लाखौं सहभागी भएका हुन् ।  प्रदर्शनमा सहभागी भएकाहरुले स्पेनले बर्खास्त गरेका क्याटलोनियाका नेता कार्लेस पुज्डमोनविरुद्ध नाराबाजी गर्दै कैद सजाय दिनुपर्ने मागसमेत गरेका छन् ।

स्पेनको केन्द्रीय सरकारले क्याटलोनमा आफ्नो प्रत्यक्ष शासन लागू गर्दै पुज्डमोनलाई बर्खास्त गरेको थियो । त्यसअघि क्याटलोलिया संसद्ले स्वतन्त्रता घोषणा गरेको थियो ।  यसैबीच बेल्जियमका एक मन्त्रीले पुज्डमोनले आफ्नो देशमा राजनीतिक शरण लिन सक्ने बताएका छन् । तर पुज्डमोनले क्याटलोनिया छोड्ने कुनै संकेत दिएका छैनन् ।९एजेन्सी०


प्रकाशित | २०७४ कार्तिक १३ प्रकाशित ०४:२१

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ