नयाँ भिजन सहितको नयाँ नेतृत्वको आवश्यकता छ – प्रचण्ड

भदौ ३१ काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले वीरगन्ज विकासको लागि नयाँ युवा नेतृत्वको आवश्यकता रहेको बताएका छन् । वीरगन्जमा आयोजित वृहत चुनावी सभालाई सम्बोधन गर्दै प्रमुख अतिथि दाहालले पुरानो नेतालाई बारम्बार हेरि सकेका छौं, तर अबको दिनमा वीरगन्ज महानगरपालिकाको विकासको लागि नयाँ भिजन सहितको नयाँ नेतृत्वको आवश्यक्ता रहेको दाबी गरेका छन् ।

उनले हामी राजनीतिक इतिहासको अत्यन्त ठूलो परिवर्तनको प्रक्रियामा छौं, संघीय लोकतान्त्रिक गणतन्त्र एउटा आफैमा ठूलो राजनीतिक फड्को रहेको भन्दै जातीय उत्पीडनका विरुद्ध, संघीयताको एकात्मक र निरंकुश राजतन्त्र विरुद्ध गणतन्त्रको समावेशी समानुपातिक प्रतिनिधित्वको राज्यको परिकल्पना गरेर विद्रोह गरेको दाबी गरे । समय समयमा पहाड र तराईमा बेला बखत अतिवाद देखा पर्न खोजि रहेको छ, यसले मधेशी तथा पहाडी जनताको हितमा नरहेको भन्दै प्रचण्ड दाहालले मधेशी, आदिवासी, जनजाति माथिको विभेद तथा मजदुर किसान माथिको शोषण अन्त्य हुनुपर्नेए बताए ।

उनले विगतमा कुनै जातीयवादको विभेद नराखी लडाई लड्यौं र एउटा ठूलो बलिदानको श्रृङ्खला सृजना भई सिंगो गणतन्त्रको स्थापना भयो तर शान्ति प्रक्रियामा आएपछि जसरी पहिलो विश्वयुद्धपछि जातीयवाद, नश्लवाद, एकले अर्कालाई निषेध गर्ने, जनता जनताका बीचमा फाटो पारेर जनतालाई जुधाएर राज गर्ने जुन फाँसीबाद देखा पर्यो नेपालमा यो दुःखद पक्ष रहेको बताए । सोही सभामा वीरगन्ज महानगरपालिकाका मेयर पदका उम्मेदवार रहबर अन्सारीले अबको राजनीतिक बन्द, हड्ताल तथा आन्दोलनको नभई विकासको हुनुपर्ने बताएका थिए । सो सभामा नेकपा माओवादीका नेता तथा कार्यकर्ताहरुले आआफ्नो मन्तव्य व्यक्त गरेका थिए ।


प्रकाशित | २०७४ भाद्र ३१ प्रकाशित ०४:४३

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ