आगामी निर्वाचनका लागि उम्मेदवार सिफारिस गर्न कांग्रेसको निर्देशन

असोज २, काठमाडौं । नेपाली कांग्रेसले आगामी प्रतिनिधिसभा र प्रदेशसभा सदस्य निर्वाचनका लागि प्रत्यक्ष र समानुपातिकतर्फ उम्मेदवार छनोट गरी केन्द्रमा सिफारिस गर्न जिल्ला नेतृत्वलाई निर्देशन दिएको छ ।

 

पार्टी केन्द्रीय कार्यसम्पादन समितिको सोमबार बसेको बैठकले प्रत्येक क्षेत्रबाट छुट्टाछुट्टै प्रत्यक्ष र समानुपातिकतर्फ महिलासहित बढीमा तीनरतीनजना सिफारिस गर्न निर्देशन दिएको छ । समानुपातिक निर्वाचन प्रणालीतर्फ उम्मेदवारको नाम सिफारिस गर्दा समावेशी प्रतिनिधित्वको सिद्धान्तका आधारमा सम्बन्धित क्षेत्रको जनसंख्याको बनोटलाई ध्यानमा राखी दलित, आदिवासी जनजाति, खस आर्य, मधेसी, थारु र मुस्लिम सिफारिस गर्नुपर्ने बैठकले निर्णय गरेको छ ।

 

उम्मेदवार सिफारिस गर्दा निरन्तर क्रियाशील सदस्यता कायम भएका तथा पार्टीभित्र र जनतामा लोकप्रिय एवं गत स्थानीय तहको निर्वाचनमा पार्टीको उम्मेदवारलाई विजयी बनाउन क्रियाशील भूमिका निर्वाह गरेकामध्येबाट गर्नुपर्नेछ । पार्टीको १३औं महाधिवेशनमा गठन भएका पार्टीका गाउँरनगर कार्यसमितिले यही असोज १० गतेभित्र आफ्नो सुझाव र सिफारिस क्षेत्रमा, क्षेत्रले आफ्नो सिफारिस असोज १३ गतेभित्र जिल्लामा र जिल्लाले क्षेत्रबाट आएको सिफारिसमा आफ्नो रायसहित असोज १७ गतेभित्र केन्द्रमा पठाउनुपर्ने पार्टीका मुख्यसचिव कृष्णप्रसाद पौडेलले जानकारी दिए । रासस


प्रकाशित | २०७४ आश्विन २ प्रकाशित १४:०१

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ