बुटवल । रुपन्देहीको सैनामैना नगरपालिकाले ‘डिसइन्फेक्सन स्प्रे ’ किटनाशक औषधी छर्कने भएको छ । नगरपालिकाले सोमबार (आज ) दिउँसो ४ बजेदेखी वडा नं १ बनकट्टा बाट किटनाशक औषधी छर्किने भएको हो ।
विभिन्न सामाजिक संघ संस्था तथा क्लवको सहकार्यमा बढी भिडभाड हुने क्षेत्र, नगरको सम्पुर्ण बजार क्षेत्र तथा गल्लीहरुमा किटनाशक औषधी छरिने सैनामैना नगरपालिकाका नगरप्रमुख चित्र बहादुर कार्कीले जानकारी दिनुभयो । नगरमा डेंगुको रोकथाम तथा कोरोना भाइरस ( कोभिड– १९ ) को संक्रमण हुन नदिन किटनाशक औषधी छर्न थालिएको नगर प्रमुख कार्कीको भनाइ छ ।
नगरपालिकाका सुचना अधिकारी केशवराज अर्याललले सोमबार दिउँसो ४ बजेदेखी वडा नं. १ बनकट्टाबाट किटनाशक औषधी छर्कने कार्यक्रम रहेकोले उक्त समयमा पशुचौपायाहरु नछोड्न सम्पुर्णमा आग्रह गर्नुभयो । उक्त कार्यमा आवश्यक सहयोग गर्न समेत सर्वसाधारणमा नगरपालिकाले अनुरोध गरेको छ ।
सैनामैना नगरपालिकाका नगर प्रमुख चित्र बहादुर कार्कीको अध्यक्षतामा शनिबार बसेको बैठकले विभिन्न सामाजिक संघ संस्था तथा क्लवको सहकार्यमा बिषादि छर्कर्ने निर्णय गरेको थियो ।
