काठमाण्डाै – भारत प्रशासित काश्मिरको अनन्तनाग जिल्लामा भारतीय जनता पार्टीका नेताको हत्या भएको छ ।
भाजपाको अनन्तनाग जिल्लाका उपाध्यक्ष रहेका गुल मोहम्मद मीरको गएराती गोली हानि हत्या गरिएको बीबीसीले जनाएको छ । मीरलाई आफ्नै घरमा रहेको बेला गोली प्रहार भएको र घाइते मीरको अस्पतालमा ज्यान गएको हो ।
लोकसभाको चुनाव हुनुभन्दा २ दिन अघि घटना भएको हो । भाजपाले घटनाको जाँचबुझ गर्न सरकारसमक्ष आग्रह गरेको छ ।
