सामाजिक सञ्जाल फेसबुकले यौन जीवन र अन्तरङ्ग सम्बन्धकाबारेमा पनि थाहा पाउने गरेको एक रिपोर्ट सार्वजनिक भएको छ ।
एक अध्ययन अनुसन्धानका अनुसार यस्ता डाटा केही एपहरुले सामाजिक सञ्जाल फेसबुकलाई दिने गरेका छन् । जसका आधारमा फेसबुकले उक्त अवस्थालाई ध्यान दिँदै विज्ञापन र सामाग्रीहरु सञ्जाल प्रयोगकर्तासँग पठाउने गरेको तथ्य फेला पारेको हो ।
प्रिभसी इन्टरन्याशनल पीआई ले गरेको एक अध्ययनले यौनसम्पर्क गरेको समयसहित मानिसहरूको अन्तरङ्ग सम्बन्धका कुरा सामाजिक सञ्जाल फेसबुकले पाउने गरेको विवरण सार्वजनिक गरेको हो ।
पीआईले अनुसार यौनसम्पर्क गरेको समयसहित महिलाको महिनावारीको विवरण राख्न प्रयोग गरिने एपहरू बारे लामो अध्ययन गरेको थियो ।
अध्ययनका अनुसार माया, एमआईए माई पिरिअड ट्र्याकर लगायतका एपले आफ्ना प्रयोगकर्ताबाट प्राप्त डेटा फेसबुकलाई दिने गरेको हो । माया ५० लाख, एमआईए १० लाख र माई पिरिअड ट्र्याकर १० लाख भन्दा धेरै डाउनलोड भएका एपहरु हुन् ।
एप प्रयोग गर्ने महिलाले कस्तो गर्भनिरोधक औषधि प्रयोग गरिन्, उनको महिनावारी कहिले हुन लागेको छ र कस्ता लक्षणहरू देखियो भन्ने विवरण त्यसमा लिइएको हुन्छ।
महिनावारीका बारेमा बताउने एपहरूले सामान्य स्वास्थ्यका कुरादेखि यौन, मनस्थितिसम्बन्धी सूचना, प्रयोगकर्ताले के खाने र पिउने गर्छन् अनि कुन स्यानिटरी प्याड प्रयोग गर्छन् भन्नेसम्मका विवरण लिने गरेका छन् र त्यस्ता विवरणहरु फेसबुकलाई उपलब्ध गराउने गरेका हुन् ।
सामाजिक सञ्जालको सफ्टवेअर डेभलपमेन्ट किट एसडीके मार्फत् फेसबुकमा त्यो शेयर हुन्छ र सामाजिक सञ्जालहरूले प्रयोगकर्ताहरूलाई ध्यानमा राखेर उनीहरुको लागि आवश्यक पर्ने खालका विज्ञापनहरु उपलब्ध गराउने र विज्ञापनकर्ताबाट पैसा कमाउने गरेको छ । एजेन्सीको सहयोगमा
