चिसो मौसम दम रोगका बिरामीकालागी अत्यन्त कष्टकर रहने गर्दछ । चिसोमा दमले अन्य समयको तुलनामा बढि च्याप्ने गर्दछ ।
चिसोमा स्वास नली खुम्चिनुका साथै कफको उत्पादन बढाउँछ । यसबाहेक धुवाँ र वातावरणमा मिसिएका तत्व माथि पुग्न नसकेर वायुमै तैरिने गर्छ । परिणामस्वरुप, चिसोमा आस्थमाको समस्या बढ्ने गर्छ । तसर्थ यसका रोगीले चिसोमा सर्तक हुन जरुरी छ । चिसोमा दम रोगीले के के कुराको ख्याल राख्ने त ?
१। चिसोमा दमका रोगीले बाहिरबाट घर आउँदा पहिले हातखुट्टा राम्ररी धुनुपर्दछ । अन्यथा हातखुट्टामा टासिएको धुलोका कण तथा भाइरस स्वास नली वा मुखसम्म सजिलै पुग्दछ ।
२। दम रोगीले जाडोमा अनिवार्य न्यानो कपडा लगाउनु पर्छ । तर एसीमा लामो समय बस्नु राम्रो हुदैन ।
३। जाडोमा आगो ताप्न मज्जा हुन्छ तर दमका रोगीले आगोमा बस्नु हानीकारक हुनसक्छ ।
४। चिसोमा दम रोगीले खानपानमा विशेष ध्यान दिनुपर्छ । तातो तरल पदार्थ, कम वोसोयुक्त खानेकुरा, ताजा फलफुल तथा हरियो साजसब्जी अमिलो वा कागती खानाले आस्थमाको समस्या बढ्दैन । तर अमिलोको एलर्जी भएकाले भने खानु हुदैन ।
५। दम रोगीले घरबाट निस्कदा मास्कको प्रयोग गर्नुपर्छ ।
६। विहानको मर्निङ्ग वाक गर्नेहरुले घाम लागेपछि मात्र गर्नुपर्छ किनकी प्रदुषणका कारण रातको समयमा वायुमा जम्मा भएको धुवा विहानीपख तुवालोमा परिणत हुन्छ ।
७। राती सुत्नु अघि दम रोगीले स्टिम लिएमा फोक्सोमा जमेको दिनभरको फोहर बाहिर निस्कने गर्दछ ।
