साउन २२, काठमाडौं ।
पोर्चुगलमा तापक्रमले कीर्तिमान बनाउँदै गर्दा त्यहाँका जंगलमा भयंकर डढेलो लागेको छ ।
अल्गार्भे नामक स्थानको मोन्चिकमा ८०० अग्निनियन्त्रकले आगो निभाउने प्रयास गरिरहेका छन् । उनीहरूलाई पानी खसाउने १२ वटा विमानले साथ दिइरहेका छन् ।
विगत तीन दिनदेखि डढेलो दन्किरहेको छ र अलेन्टेजोसम्म फैलिएको छ । नजिकैको ओडेमिरामा बस्ने मानिसलाई अन्यत्रै सारिएको छ ।
एस्ट्रेमोजमा अर्को सानो डढेलोले ६ जनालाई घाइते बनाएको छ र तिनमा दुईजना गम्भीर घाइते छन् ।
तापक्रम बढेर अल्भेगामा शनिवार ४६.८ डिग्री सेल्सियस पुगेको थियो । पोर्चुगलमा सबभन्दा बढी तापक्रम सन् २००३ मा अमरेलेजामा ४७.३ डिग्री सेल्सियस पुगेको थियो ।
