चितवन । उपप्रधानमन्त्री तथा रक्षामन्त्री ईश्वर पोखरेलले कर्मचारी समायोजन अध्यादेश परिमार्जन हुने बताउनु भएको छ । उहाँले अध्यादेशमा राखिएका केही प्रावधानबाट नआत्तिन कर्मचारीहरुलाई आग्रह पनि गर्नु भयो ।
नेकपा सम्बद्ध नेपाल निजामती कर्मचारी संगठन केन्द्रीय कार्यसमितिको पाँचौ केन्द्रीय बैठकलाई शुक्रबार राति अबेर चितवनको भरतपुरमा सम्बोधन गर्दै पोखरेलले सो कुरा बताउनु भएको हो । ‘अध्यादेशमा के राख्ने, के नराख्ने भन्नेबारे गृहकार्य गर्नुहोस्,’ उपप्रधानमन्त्री पोखरेलले भन्नु भयो, ‘कर्मचारीलाई असर पारिँदैन र पार्न पनि हुँदैन ।’उहाँले आन्दोलन छाडेर समायोजनमा सहयोग गर्न कर्मचारीहरुलाई सुझाव पनि दिनु भयो । पोखरेलले देशमा संवैधानिक र राजनीतिक परिवर्तन भए पनि कानूनी र व्यवहारिक प्रक्रिया मिलाउन बाँकी रहेको बताउनु भयो ।
