वैशाख २७, काठमाडौं ।
कमला खड्का
बत्तीसपुतली, काठमाडौं
नओइलिने फूल टिपेर
नमेटिने रंग पोतेर
ननासिने सौगात सजाएर
म तिमीलाई एउटा छुट्टै
नौलो र फरक
उपहार दिन आतुर छु ।
गोधुली साँझमा
देउरालीलाई साक्षी राख्दै
उपहारको सँगालो
तिम्रो पोल्टामा छोडेर
म गुँरास टिप्न जानेछु
त्यही कोसेली हेरेर
तिमी रमाइरहनू
हेरिरहनू आँखाभरि
म फर्केर आउने बाटो ।
म आएर चुम्नेछु
उही उपहारमा दिएको
त्यो नओइलिएको फूल ।
