फागुन २५, काठमाडौं ।
नेपाली गोलरक्षक किरण चेम्जोङ आवद्ध मिनर्वा पञ्जाबले आई- लिग फुटबलको उपाधि जितेको छ ।
बिहीबार भएको लिगको अन्तिम खेलमा चर्चिल ब्रदर्शलाई १-० ले हराउँदै मिनर्वा पञ्जाबले उपाधि उचालेको हो । उसको जितमा १५ औं मिनेटमा विलियन ओपोकूले गरेको गोल नै निर्णायक बन्यो ।
दोस्रो हाफमा चर्चिल ब्रदर्शका दावद सिसेको लामो प्रहारलाई किरणले असफल पारेका थिए ।
यो जितसँगै मिनर्वा पञ्जाबले १८ खेलबाट ३५ अंकका साथ लिग टुंग्यायो ।
नेराको दोस्रो भयो भने नेपाली युवा फुटबलर बिलम घर्ती मगरको टिम मोहन बगान ३१ अंकसहित तेस्रो भएको छ ।
