अमेरिकामा आईरहेको आँधीमा सयौको ज्यान जाने भएकाले सुरक्षित रहन चेतावनी दिईएको छ । अमेरिकाको पूर्वी तटीय क्षेत्र नजिकै आइरहेको समुन्द्री आँधी ‘फ्लोरेन्स’का कारण वर्षेनी धेरैले ज्यान गुमाउने गरेका छन् ।
फेडरल इमर्जेन्सी म्यानेजमेन्ट एजेन्सी (फेमा) का वरिष्ठ अधिकारी ब्रोक लोंगले समुन्द्री आँधीका कारण नजिकका इलाकामा बाढी आउन सक्ने चेतावनी दिएका छन् ।
फ्लोरेन्स आँधी एक सय ६५ किलोमिटर प्रतिघण्टाको गतिमा रहेको बताइएको छ । ब्रोक लोंगले तीब्र गतीको हावाका कारण खतरा बढी भएको जानकारी दिएका छन् ।
लोंगका अनुसार भर्जिनिया र क्यारोलाइनमा केही फुटसम्म पानी जम्न सकिने चेतावनी दिएका छन् । उनले आँधीको गति पहिलेको तुलनामा कम भए पनि भारी वर्षा हुने बताएका छन् । उनले भने, ‘समय नजिकिँदै छ, केही समयमै समुद्री छाल आउनेछ ।’
मौसम वैज्ञानिकले फ्लोरेन्स स्थानीय समय अनुसार शुक्रबार बिहान ८ बजेसम्ममा देखिने बताएका छन् । उनीहरुले यो समयसम्ममा पहिरोसहितका विपद आउन थाल्ने बताइएको छ ।
उत्तरी क्यारोलाइना, दक्षिणी क्यारोलाइन र भर्जिनियाको तटीय इलाकाबाट लगभग १७ लाखलाई सुरक्षित स्थानमा पुर्याउन आदेश दिइएको छ ।
फ्लाइट अवेयर डट कमका अनुसार १४ सयभन्दा बढी उडान रद्द गरिएको छ । (एजेन्सी)
