श्याम गुप्ता
पुस ५ , बारा ।
बाराको मधुवन र तामागढी सेक्टर जंगलबाट बयल गाडामा राखेर काठ तस्करी हुँने गरेको छ ।
कर्मचारीले देखे पनि नदेखे झैं गर्छन् साथै तामागढी सेक्टर कार्यालय अन्तर्गतको जंगल नजिकै पर्ने ककडी गाउँका सर्वसाधारणका अनुसार बयल गाडामा लोड गरेर दिनहुँ लैजाने गरेको बताए । स्थानीयका अनुसार दक्षिण तर्फबाट साँझ पख आउँने तस्करहरुको समूहले हरिया सखुवा फडानी गरी टुना पारेर बयल गाडामा राखेर लैजाने गरेका छन् । ककडी सहिँत , सपही , बलुवा , भलुहिखोर नाकाबाट काठ तस्करी हुँने गरेको छ ।
मधुवन सेक्टर अन्तर्गतको सहजनाथ साझेदारी वनमा पनि दक्षिण तर्फबाट पस्ने काठ तस्करीको बिगबिगी छ । तस्करहरुले रामनगर , बोधवन मधुवन र पसाहा नदीपारिको जैतापुर नाका प्रयोग गरी हरिया दाउरा र सखुवाको टुना बनाएर साइकल र बयल गाडामा तस्करी गर्दै आएका छन् । यस क्षेत्रबाट तस्करी भएको काठ जिल्लाको दक्षिणी भेगमा पर्ने चिरानमिल र सीमापारि भारतीय बजार सम्म पु¥याएर बिक्री गरिन्छ ।
तस्करीको अर्को अखडा तामागढी सेक्टरबाट फडानी भएको काठ भने स्थानीय बजारमा नैं खपत हँुने गर्छ । तस्कर समूहले यस क्षेत्रबाट पनि बयल गाडा नैं प्रगोग गरी काठ तस्करी गर्दै आएका छन् । यहाँको काठ निजगढ बजार , सिगौंल , रतनपुरी र बागदेव क्षेत्रका घरघरमा पु¥याएर बिक्री हुँने गरेको छ ।
तस्करहरुले जंगलबाट टुना वा चिरान बनाएर पनि काठ ल्याई दिने गरेको स्थानीयको भनाई छ । एउटा ३.५ चौडाइँको ४ हाते सखुवा चिरान कडी २ हजार देखि २ हजार ५ सय रुपियाँ सम्म खरिद बिक्री हुँने स्थानीयले बताए । सखुवाको गोलिया भने बजार मूल्य भन्दा निकै कममा बयल गाडाबाट घरमा पु¥याईन्छ । जस्तो अर्डर आयो त्यस्तै ल्याई दिन्छन् , एउटा २० क्विफिटको सखुवा गोलियाको १०÷१५ हजार लिन्छन् । तर , बजारमा चिरान ५ हजार र गोलिया काठको मूल्य प्रतिक्विफिट ३ हजार रुपियाँ सम्म छ । निजगढ नगरपालिका भित्र निर्माण हँुदै गरेका अधिकांश घर र भवनमा तस्करीको काठमा नैं निर्भर छन् ।
निजगढ क्षेत्रबाट तस्करीको चिरान ट्रक र बसमा समेत राखेर काठमाण्डौं , हेटौंडा र बिरगंज जस्ता शहरमा समेत पु¥याइँने गरिन्छ । तामागढी सेक्टरको पुरानो निजगढ , सिगौंल , लाल र रतनपुरी नाकाबाट सखुवाको काठ तस्करी हँुदै आएको छ ।
तिन लाख मूल्य बराबरको काठ बरामत
जिल्लाको महेन्द्रनगरबाट लगभग ३ लाख मुल्य बराबरको सालको चिरान काठ बरामद गरिएको छ । ईलाका वन कार्यालय डुमरवानाले प्रहरी तथा सशत्र प्रहरी बलको सहयोगमा जीतपुरसिमरा उपमाहानगरका वडा नं.१६ बाट करिब ८० फिट सालको चिरान काठ बरामद गरिएको हो । ईलाका वन कार्यालय डुमरवानाका प्रमुख रेन्जर राजेश कुमार साहको नेतृत्वमा गएको टोलीले उक्त परिणाममा काठ बरामत गरेको हो । रेन्जर साहले सुराकीबाट पाएको जानकारी अनुसार प्रहरीको सहयोगमा जीतपुरसिमरा वडा नं.१६ मा रहेको महेन्द्रनगर बस्ने रामु राई र संजोग थापा घरबाट काठ बरामत गरेका छन् ।
प्रहरी र बन कर्मचारी आएको देखेर राई र थापा घरबाट फरार भएको र निजको घरमा लुकाई राखिएको लगभग ३ लाख मुल्य बराबरको काठ बरामत गर्न सफल भएको रेन्जर साहले बताएका छन् । बरामत गरिएको काठ ईलाका वन कार्यालय डुमरवानामा राखेर नापजोख गर्ने काम भैरहेको रेन्जर साहले जानकारी दिएका छन् ।यस अघी बारामा जिल्लाको तामागढी सेक्टरबाट फडानी गरेर चोरी तस्करी हँुदै गरेको अवस्थामा निजगढ नगरपालिकामा ईलाका प्रहरी कार्यालयको प्रहरी टोलीले निजगढ नगरपालिका वडा नं.४ बाट ४ हप्ता अघि शनिवार बेलुकी करिब ९ बजेको समयमा एक थान सखुवाको गोलिया र १ जना मानिस सहिँत गाडा र एक हल गोरु बरामद गरेको ईलाका प्रहरी कार्यालय निजगढका प्रहरी निरिक्षक दिपक रायले बताए ।
प्रहरीले बरामद काठ सहिँत गोरु र गाडा कारवाहीका लागि सेक्टर वन कार्यालय तामागढीको जिम्मा लगाएको थियो । यस्तै बारामा जिल्लाको मधुवन सेक्टरबाट फडानी गरेर चोरी तस्करी हँुदै गरेको अवस्थामा गंजभवानीपुर प्रहरी चौकीको प्रहरी टोलीले करैया गाउँपालिका वडा नं.४ बाट केहि समय अगाडी पनि शुक्रवार विहान ३ बजे तीन थान सखुवाको गोलिया सहिँत गाडा र एक हल गोरु बेवारिसे अवस्थामा बरामद गरेको थियो ।
सोही दिन बिहान सेक्टर वन कार्यालयको गस्ती टोलीले जीतपुरसिमरा उपमहानगरपालिका वडा नं.१७ को रघुनाथपुरमा पनि बाँसघारीमा लुकाई राखेको अवस्थामा सखुवाको थप चार थान हरियो टुना फेला पारेको थियो । प्रहरीले बरामद काठ सहिँत गोरु र गाडा कारवाहीका लागि सेक्टर वन कार्यालय मधुवनको जिम्मा लगाएको थियो ।
